‘Përse Zoti të mori?’ I prekur nga COVID19, ndahet nga jeta vëllai i Ylli Ndroqit, biznesmeni bën dedikimin prekës

Një lajm i hidhur vjen për biznesmenin Ylli Ndroqi.

Mësohet se vëllai i tij Lulzim Pasmaçiu është ndarë nga jeta në mënyrë të parakohshme.

Ai po luftonte me jetën pasi ishte infektuar nga COVID19 dhe nuk mundi të mbijetonte.

Vëllai i presidentit të “Yldon Media Group” ka mbyllur sytë përgjithmonë orët e para të mëngjesit të sotëm.

Pasmaçiu ishte shtruar në spitalin COVID2 ‘Shefqet Ndroqi’.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndërkohë nuk ka munguar dhe një dedikim prekës nga ana e biznesmenit Ylli Ndroqi për të vëllanë.

“Përse më braktise vëllai im i shtrenjtë. Unë isha i fortë sepse luftoja me vëllain tim. Isha gëzim sepse vëllai im nuk më la kurrë në errësirë. Ishim unë dhe ti. Çfarë do bëhet me mua tani Luli im?

Vëllai im, gjysma ime… Unë isha Ylli sepse kisha Lulin. Përse vëllai im përse u ngjite lart kaq shpejt përse? Përse Zoti të mori, përse na le kështu në bosh. So do ia bëj vëllai im, si do ia bëj unë tani pa ty?…”, shkruan Ndroqi në mesazhin e ndjerë për të vëllain”, shkruan Ndroqi.

Lulzim Pasmaçiu mbante postin e koordinatorit në kompaninë e “Yldon Media Group” ku i vëllai i tij është presidenti i kompanisë.