Kanë dalë detaje të reja nga vrasje e taksistit Abdulla Budlla në Fushë-Prezë të Tiranës.
Ndërkohë dy vëllezërit e arrestuar sot në mëngjes Arsil dhe Saimir Shera e kanë pranuar autorësinë e krimit përpara oficerëve të policisë.
Ata kanë thënë se shkak për këtë është bërë një ngacmim që i moshuari iu bënte një prej grave të fisit të tyre.
Sipas vëllezërve dy të rinjtë kishin shkuar më parë te Abdulla Budlla duke i kërkuar që të mos e ngacmonte më gruan e familjes Shera, por ai nuk është tërhequr, madje i kishte shkuar dhe në shtëpi.
“Ishim të detyruar ta bënim vrasjen. Ai na preku në nder. Ngacmoi të afërmen tonë dhe ne i kërkuam të tërhiqej. Nuk e bëri. I shkonte te shtëpia, vazhdonte shpesh me ngacmimet seksuale. Ka ngacmuar dhe ka kryer veprime te pahijshme ndaj një të afërme të familjes sonë, kishim tentuar disa herë ta bënim të arsyetonte, të mos shkonte më në banesë kur djemtë e kësaj familje nuk ishin aty. I kemi kerkuar të mos na binte më në qafë, për nderin e familjes. U përpoqëm të bisedojmë e kishim përzënë edhe nga shtëpia.
Për të kryer vrasjen morëm një makinë me qera. E vramë për nder, nuk mund ta toleronim më”, – janë shprehur dy vëllezërit Shera para policisë.