Një lajm i mirë vjen së fundmi për shqiptarët në Greqi që po u skadon apo i ka skaduar pasaporta.
Mësohet se me vendim të Ministrisë së Punëve të Jashtme të Greqisë, të gjitha këtyre pasaportave u shtyhet vlefshmëria deri më datë 31.12.2020.
Gjithashtu sipas informacioneve këto dokumenta do të jenë të pranueshme nga Qendrat e Shërbimit të Emigrantëve për të kryer çdo procedurë ligjore.
Vendimi i institucioneve greke është marrë nisur nga pandemia e COVID-19, teksa shumë shqiptarë ishin të detyruar që të ktheheshin në Atdhe këtë periudhë për të aplikuar për pasaportat e reja duke sjellë edhe kaosin në pikat e Kapshticës dhe Kakavijës në kthim – Situatë e cilësuar si “krizë humanitare”.
