Ktheu shtëpinë në fermë kanabisi, fqinjët nxjerrin “zbuluar” shqiptarin

Policia britanike arrestoi shtetasin shqiptar Leonard Vukcaj, pasi ktheu shtëpinë ku banonte në fermë kanabisi me vlerë 100 mijë paund.

Ishin komshinjtë ata që lajmëruan policinë sepse filluan të dyshonin nga era e fortë dhe sepse shqiptari hynte e dilte shpesh aty.

Dhomat kryesore ishin kthyer në dhoma ku rritej kanabisi, ilegalisht nga shqiptari Leonard Vukcaj, gjatë vizitave të herë pas hershme që bënte.

Oficerët bastisën shtëpinë në rrugën Hurst dhe gjetën një plantacion të harlisur me bimë që rriteshin deri në gjysmën e shtëpisë me ndihmën e ujitjes, dritave të montuara posaçërisht për të, gjë që zëvendësojnë diellin, dhe një sistem i cili shërbente për të larguar tymin.

Vukcaj ndodhej në Britani në mënyrë të paligjshme dhe përdorte dokumente false italiane dhe patentë shoferi të një burri italian.

41-vjeçari kishte rënë dakord që për 136 bimët që rriste do të merrte 1500 paund, të cilat kishte planifikuar t’ja dërgonte gruas së tij në Shqipëri.