“Këto janë tre masat që ju mbrojnë” Mjekja në QSUT del me thirrjen e fortë për të gjithë njerëzit (VIDEO)

Në kohën që pandemia ende vijon të krijojë një situatë shqetësuese në vend me raste të reja ditë pas dite dhe me humbje jete, mesazhe të  forta vijnë herë pas here nga profesionistët e shëndetësisë.

Së fundmi ka folur në lidhje me kët ëgjë dhe mjekja e Shërbimit Onkologjik në QSUT Dhurata Tarifa.

Kjo e fundit i është drejtuar me një apel të gjithë qytetarëve që të mbajnë maska, të ruajnë distancën sociale dhe të mbajnë higjenën personale.

Ajo shton ndër të tjera se në shërbimin onkologjik deri tani nuk ka patur asnjë rast pozitiv me COVID19.

Në videon të cilën e ka shpërndarë ministrja e Shëndetësisë Ogerta Manastirliu, mjekja shprehet:

“Prej 6 muajsh po bashkëjetojmë me një virus të padukshëm shumë virulent. Në mungesë të një vaksine për të luftuar këtë virus mbetet opsioni i vetëm, mbrojtja. Mbrojtja është në tre forma. Së pari, vendosja e një maske e cila duhet të jetë shumë e puthitur në fytyrë. Së dyti është distancimi fizik. Dhe së treti është higjiena personale dhe ajo territoriale”.