Kaos te rrethrrotullimi i Zogut të Zi/ Ambulanca ndez sirenat për ndihmë, punimet bllokojnë trafikun

Punimet që po kryhen në Rrugën e Durrësit kanë krijuar një situatë tepër shqetësuese për të gjithë qytetarët.

Ajo është një nga rrugët kryesore të kryeqytetit dhe këto punime kanë bërë që të rëndohet trafiku në rrethrrotullimin e Zogut të Zi.

Një qytetar ka denoncuar rastin me foto, dhe ashtu si duket e nga pamjet, ambulanca ka mbetur në trafik dhe nuk mundet dot të kalojë rrugën. Brënda saj mund të jetë një i sëmurë apo edhe i plagosur, që ka nevojë urgjente për trajttim mjekësor.

Sot është një ditë normale pune dhe kthimet nga pushimet mund të jenë thuajse zero, ndërkohë situate paraqitet e tillë. Në atë zonë nuk ka asnjë polic rrugor. Kujt duhet t’i drejtohen për ndihmë këta qytetarë dhe mbi të gjitha kush përgjigjet?