LIGJET E BIZNESIT
Ditën e sotme policia e Korçës ka vënë në pranga 2 të rinj.
Ata akuzohen se kanë grabitur me dhunë 4 emigrantë dhe më pas kanë plagosur njërin prej tyre.
Ngjarja raportohet të ketë ndodhur me datë 2 gusht.
Mësohet se të arrestuarit janë: Ronaldo Mehmeti, 20 vjeç, banues në fshatin Moravë, Korçë, (i dënuar më parë për “Vjedhje”) si dhe Ergin Brami, 25 vjeç, banues në Vlorë, (i dënuar më parë për “Vjedhje”).
Ndalimi i tyre u bë pasi, nga verifikimet e kryera rezulton se këta shtetas në bashkëpunim me njëri-tjetrin, iu kanë dhënë ndihmë për kalim të paligjshëm të kufirit 4 shtetasve të huaj, të cilët pasi i kanë marrë në një automjet, në afërsi të fshatit Drenovë, iu kanë vjedhur me dhunë 500 euro, si edhe kanë goditur me mjet prerës njërin prej tyre, i cili mori mjekimin e nevojshëm pranë Spitalit Rajonal Korçë.
Materialet i kaluan Prokurorisë pranë Gjykatës së Shkallës së Parë Korçë për veprat penale “Vjedhja me dhunë” dhe “Ndihma për kalim të paligjshëm të kufirit” të kryera në bashkëpunim.
