Vijon humbja e jetëve në rradhët e bluzave të bardha për shkak të COVID19.
Kështu, virusi i rrezikshëm i ka marrë jetën një tjetër mjeku.
Lajmin e ka dhënë Oda e Mjekëve të Kosovës, ku njofton se doktor Mynafir Beshiri ka ndërruar jetë mbrëmë, pasi nuk ia doli dot të mposhte koronavirusin.
Njoftimi i Odës:
“Humb betejën me koronavirusin mjeku nga Dragashi.Ndahet nga jeta Dr. Mynafir Beshiri. Dr. Beshiri i ka shërbyer shëndetësisë primare në QKMF Dragash. Oda e Mjekëve të Kosovës, i shpreh ngushëllimet më të sinqerta familjarëve, miqve dhe kolegëve të tij”, thuhet në njoftimin e Odës.
