Humb kontrollin e motomjetit, ndërron jetë 45- vjeçari në Spitalin e Durrësit

Një tjetër ngjarje e rëndë është regjistruar ditën e sotme në qytetin e Durrësit.

Raportohet se shtetasi SH.Z., 45 vjeç ka humbur kontrollin e motomjetit që po drejtonte dhe për pasojë ka humbur jetën.

Durrës/Informacion paraprak

Më datë 19.08.2020, rreth orës 10:00, tek mbikalimi i Shën Vlashit, Durrës, shtetasi  Sh.Z., 45 vjeç, duke drejtuar motomjetin, ka humbur kontrollin, e për pasojë ka dalë nga rruga. Menjëherë është dërguar me autoambulancë  në Spitalin e Durrësit, por si pasojë e plagëve të marra ka ndërruar jetë.

Grupi hetimor ndodhet në vendngjarje dhe po punon për zbardhjen e ngjarjes.