LIGJET E BIZNESIT
Janë ndezur qirinj para Emergjencës së Qendrës Klinike Universitare të Kosovës në nder të personelit mekësor që humbën jetën nga koronavirusi.
Udhëheqësit e institucioneve shëndetësore ju bashkuan thirrjes për ndezje të qirinjve e bashkë me ta edhe ministri i Shëndetësisë, Armend Zemaj i cili tha se ndajnë dhimbjen për humbjen e profesionistëve shëndetësorë, por edhe ndjehen krenarë me punën e tyre.
“Si Ministri e Shëndetësisë shprehim konsideratën për punën, përkushtimin e tyre gjatë gjithë jetës në shërbim të qytetarëve të Kosovës me ruajtjen e shëndetit të tyre por fatkeqësisht 13 nga ta pësuan nga virusi Covid-19 dhe ne sot ndajmë dhimbjen por njëherit krenarinë për punën e tyre dhe përkushtimin sidomos gjatë kësaj faze kur po përballemi ne dhe gjithë globi në luftimin e kësaj pandemie”, tha Zemaj.
Në nder të mjekëve dhe infermierëve që humbën jetën nga COVID-19 janë ndezur qirinj para të gjitha institucioneve në Kosovë dhe janë fikur dritat për rreth 1 minute në kkëto institucione.
Janë 13 pjesëtarë të stafit mjekësorë që nuk kanë mundur të fitojnë betejën me virusin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
