LIGJET E BIZNESIT
Mëngjesin e sotëm një ngjarje e rëndë ka ndodhur në Kavajë.
Mësohet se gjatë një sherri në familje për motive të dobëta, 19 vjeçari me iniciale D.G ka plagosur me thikë gjyshin e tij me iniciale R.B.
Pas ngjarjes i riu është larguar por nuk ka mundur ti shpëtojë forcave të policisë të cilët e kanë vënë në pranga.
Ndërkohë sipas informacioneve gjyshi është në spital dhe jashtë rrezikut për jetën.
NJOFTIMI ZYRTAR I POLICISE
Ndërhyrja në kohë e Policisë parandalon përshkallëzimin e mëtejshëm të një konflikti në familje. Vihet në pranga 19-vjeçari që plagosi me thikë gjyshin e tij, i cili ndodhet jashtë rrezikut për jetën. Pas njoftimit të marrë se në lagjen Nr.5 Kavajë kishte konflikt në familje , ku nipi kishte goditur me thikë gjyshin e tij, menjëherë shërbimet e Komisariatit të Policisë Kavajë, kanë shkuar në adresën e dhënë.
Në momentin që shërbimet e Policisë janë afruar në vendin e ngjarjes, shtetasi D. G., 19 vjeç, është larguar me shpejtësi. Në ndjekje të tij janë vënë forca të shumta të Policisë dhe pas disa orë ndjekjeje dhe kontrollesh kanë bërë të mundur kapjen e tij.
Në përfundim të veprimeve u bë arrestimi i shtetasit D. G., pasi gjatë një konflikti për motive të dobëta goditi me thikë gjyshin e tij shtetasi R. B., i cili ndodhet në spital, jashtë rrezikut për jetën. Në cilësinë e proves materiale u gjet dhe u sekuestrua mjeti prerës (thikë) me të cilën autori kryeu plagosjen. Materialet i kaluan Prokurorisë, për veprime të mëtejshme, për veprat penale “Dhunanë familje” dhe “Mbajtja pa leje e armëve të ftohta”.
