E rëndë/ Gjendet i pajetë i moshuari në Tiranë, dyshimet e para

Një ngjarje e rëndë ka ndodhur ditën e sotme në Fusshë-Prezë, në Tiranë, në kryqëzim me rrugën e Rinasit.

Policia njofton se është gjendur i pajetë një shtetas 71-vjeçar në anë të rrugës.

Sipas njoftimit të policisë, i moshuari dyshohet se është vrarë me armë zjarri, në rrethana ende të paqarta.

Ndërkohë, policia dhe grupi hetimor kanë mbërritur në vendngjarje dhe po hetojnë për zbardhen e plotë të ngjarjes.

Njoftimi i policisë:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Tiranë/Informacion paraprak

Me datë 03.08.2020, rreth orës 16:45, në Fushë-Prezë, në kryqëzim me rrugën e Rinasit, në rrethana ende të paqarta dyshohet se është vrarë me armë zjarri shtetasi A. B. 71 vjeç, banues në fshatin Hametaq, Njësia administrative Prezë.

Shërbimet e Policisë me marrjen e njoftimit kanë shkuar menjëherë në vendngjarje , ku kanë bërë rrethimin e zonës, janë ngritur pika kontrolli në aksin rrugor Rinas -Fushë-Krujë, Rinas-Vorë -Tiranë.

Grupi hetimor ndodhet në vendngjarje dhe po punon për fiksimin e çdo prove të mundshme që do çojë në zbardhjen e ngjarjes, identifikimin dhe kapjen e autorëve.

Nën drejtimin e Prokurorisë vijon puna për zbardhjen e plotë të rrethanave të ngjarjes.