Çfarë i bëri bashkë? Kryemadhi dhe Haradinaj ia shtrojnë drekës në jug, pas mbylljes së kampit rinor (FOTO)

Kryetarja e LSI Monika Kryemadhi është kapur ‘mat’ së fundmi duke drekuar me ish-kryeministrin e Kosovës Ramush Haradinaj në jug të Shqipërisë.

Ajo është shfaqur së bashku me drejtues të tjerë të partisë në tavolinë, dy ditë pasi Lëvizja Rinore për Integrim mbylli kampin veror në Jalë.

Aty morën pjesë 160 të rinj nga Tirana, ku Kryemadhi mbajti një fjalim të shkurtër duke deklaruar se kampi do të jetë më i madh vitin tjetër.

Kujtojmë se ky nuk është takimi i parë miqësor mes Haradinajt dhe Kryemadhit për këtë verë.

Disa javë më parë ata u fotografuan në një tryezë së bashku në Durrës. Fotot dhe takimin në Durrës i ndau me ndjekësit Haradinaj.