Arrihet marrëveshja/ Greqia hap pikën Doganore, ja lehtësimi që u bëhet shqiptarëve

Më në fund ëshët arritur marrëveshja mes Shqipërisë dhe Greqisë në lidhje me kalimin e udhëtarëve në pikën Doganore të Kapshticës deri në orën 22:00 të mbrëmjes pa u kërkuar test ii COVID-19.

Lajmin e bën të ditur gazetarja Klodiana Lala, ku shprehet se burimie nga MEPJ thonë se dakordësia është arritur për sot deri në  orën 22:00. Prej të nesërmes do të vijohet me masat që kanë njoftuar autoritetet shëndetësore greke.

Po të njëjtat burime bënë me dije se është e pamundur që të gjithë qytetarët që sot janë në radhë në pikat kufitare të kalojnë. Por nga nesër qytetarëve që u lejohet të ikin në Greqi duhet të kenë me vete domosdoshmërisht testin negativ të COVID-19 jo më të vjetër se 72 orë, vërtetimin e përkthyer në anglisht si dhe formularin e plotësuar në adresën e autoriteteve greke.

Sa i përket marrëveshjes së sotme nuk dihet nëse ajo vlen vetëm për Kakavijën apo dhe për Kapshticën ku tek kjo e fundit para disa orësh pala greke mbylli doganën.