Aksidentohet këmbësori në Lezhë, sillet me urgjencë drejt Traumës

Një aksident automobilistik ka ndodhur pasditen e sotme në Rraboshtë të Lezhës.

Mësohet se një automjet ka përplasur këmbësorin me iniciale K.B, vjeç 25.

Ishte vetë drejtuesi i mjetit që e dërgoi të plagosurin në spitalin rajonal të Lezhës dhe më pas drejt spitalit të Traumës për ndihmë më të specializuar. Plagët e marra nga i riu janë të rënda.

Ndërkohë, ende janë të paqarta rrethanat e aksidentit.