LIGJET E BIZNESIT
Ditën e sotme kanë dalë rezultatet e zgjedhjeve në 12 universitetet shtetërore në Shqipëri.
Ndërkohë, mësohen dhe emrat e rektorëve në universitetet e rretheve të cilët u zgjodhën nga votimet e djeshme.
Sipas informacioneve në Universitetin e Mjekësisë është zgjedhur rektor prof.dr. Arben Gjata, i cili aktualisht mban postin e kreut të Kirurgjisë dhe përgjegjësit të burimeve njerëzore gjatë pandemisë.
Ndërsa në Universitetin Politeknik, rektor është zgjedhur Andrea Maliqari, ndërsa në “Bujqësor” është votuar me shumicë për emrin e Fatbardh Sallakut. Tek Artet është zgjedhur rektor, aktori Kastriot Çaushi, ndërsa tek Sportet, Agron Kasa.
Gjithashtu mësohet se janë zgjedhur edhe rektorët në rrethe.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kështu, fitues kanë dalë: Skënder Topi, rektor në Universitetin e Elbasanit; Suzana Golemi, rektore në Universitetin e Shkodrës; Bektash Mema, rektor i Universitetit të Gjirokastrës; Dhimitër Bello, rektor i Universitetit të Korçës; Roland Zisi, rektor në Universitetin e Vlorës; Kseanela Sotiofski, rektore në Universitetin e Durrësit.
Ndërsa pedagogu Artan Hoxha është zgjedhur Rektor i Universitetit të Tiranës pasi ka arritur që të sigurojë 54% të votave të pedagogëve dhe studentëve. Hoxha mësohet se është votuar më shumë nga pedagogët dhe stafi akdemik, pasi ka grumbulluar 348 vota. Ndërkohë dy kandidatët e tjera, Mimoza Hafizit dhe Kozeta Sevrani, kanë marrë përkatësisht 176 dhe 122 vota.
