Tre lezhianë dhe një laçian në “shënjestrën” e OFL, të dënuar për narkotikë, prostitucion e grabitje

Operacioni i Forcës së Ligjit vijon punën e saj dhe së fundmi ka shënjestruar pasuritë e katër personave të dënuar për një sërë veprash penale.

OFL i ka nisur kërkesë me shkrim për të deklaruar pasuritë dy lezhianëve dhe një laçiani të dënuar për trafikim të lëndëve narkotike dhe një të dënuari për shfrytëzim prostitucioni dhe grabitje nga Lezha.

NJOFTIMI I PLOTË I OFL:

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

Gj. M., banues në Lezhë, i dënuar për veprat penale “Shtrëngimi me anë të kanosjes ose dhunës për dhënien e pasurisë” dhe “Shfrytëzimi i prostitucionit”;

Gj. Gj., banues në Lezhë, i dënuar për veprën penale “Trafikimi i narkotikëve” kryer në bashkëpunim;

1. D., banues në Kurbin, i dënuar për veprën penale “Trafikimi i narkotikëve”;
2. Z., banues në Lezhë, i dënuar për veprën penale “Trafikimi i narkotikëve”;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.