Orët e para të kësaj të diele janë tronditur sërish nga lëkundje e fortë tërmeti që është ndjerë më së shumti në veri Durrësit në plazhin e Adriatikut.
Epiqendra sipas IGJEUM ka qenë në kepin e Rodonit.
Por lëkundja sizmike e shkallës 3.2 ballë në orën 04:35 është ndjerë shumë edhe në zonën e Gjirit të Lalzit.
Fshati turistik që ndryshe njihet edhe si zona rezidenciale e pasanikëve të Shqipërisë e ndjeu më shumë lëkundjen, për shkak edhe se nuk ishte shumë thellë, por vetëm 23 kilometra.
Deri më tani nuk ka pasur raportime për dëme material, por frikë ka shkaktuar shumë pasi është edhe periudha që të gjitha vilat luksoze të zonës janë të tejmbushura.