LIGJET E BIZNESIT
Presidenti Ilir Meta ka uruar të gjithë besimtarët myslimanë për festën e Kurban Bajramit.
Meta shkruan se Kurban Bajrami është përkujtimi i shëmbëlltyrës sublime të sakrificës për jetën dhe lirinë.
Nëpërmjet një postimi në Facebook, Meta kujtoi të gjithë besimtarët të respektojnë masat anti-virus dhe të tregojnë kujdes gjatë festimeve. Meta shkruan se në fenë islame shëndeti dhe jeta janë të rëndësishme.
Postimi i plotë:
Të dashur besimtarë myslimanë shqiptarë!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
GËZUAR KURBAN BAJRAMIN!
Kurban Bajrami është përkujtimi i shëmbëlltyrës sublime të sakrificës për jetën dhe lirinë.
Në këtë ditë feste, besimtarët myslimanë sjellin mesazhin e mirëkuptimit, solidaritetit dhe vëllazërisë.
Peligrinazhi, udhëtimi i vetëpërtëritjes individuale, simbolizon mënyrën e të jetuarit në paqe me veten dhe të tjerët.
Një rit, një ndjenjë, një ideal, larg egoizmave, me qëllimin e përbashkët të respektit, tolerancës dhe dashurisë, rikthimin tek vlerat e shenjta të jetës, lirisë dhe drejtësisë.
Është tepër e rëndësishme që të jemi të kujdesshëm në festimet tona, duke respektuar dhe marrë të gjitha masat e duhura për të parandaluar përhapjen e mundshme të virusit tek të afërmit dhe njerëzit tanë të dashur.
Në fenë islame shëndeti dhe jeta kanë një rëndësi të veçantë, ndaj të kujdesemi për veten, familjen, të dashurit dhe njerëzit që kanë më shumë nevojë.
Në një ditë si kjo, në fjalimin e lamtumirës, Profeti Muhamed citoi porosinë e tij të fundit: “Ruani, respektoni dhe nderoni vlerën e personalitetit. Kurrë mos shkelni të drejtën dhe nderin e dikujt”.
Me mesazhet e kësaj dite të shënuar ju uroj:
GËZUAR KURBAN BAJRAMIN!
ZOTI E BEKOFTË SHQIPËRINË DHE SHQIPTARËT KUDO NDODHEN!
