Shumë prindër ankohen në këtë periudhë se fëmijët e tyre u është prishur regjimi totalisht. Kjo pasi adoleshentët flenë ditën dhe rrinë zgjuar gjatë natës.
Bruna Laboviti, psikologe Klinike ka shpjeguar pse ndodh ky fenomen tek të rinjtë në vend dhe si mund të evitohet për të mos u kthyer në zakon.
“Po, e kemi hasur këtë problem. Ne ju sugjerojmë prindërve, që është një periudhë kalimtare, e shkaktuar nga virusi, mësimi online, fokusi më i madh te celularët, lojërat elektronike, etj. Këto kanë ndryshuar rutinën dhe stilin e jetesës. Prindi dhe adoleshenti duhet të fillojnë të shqetësohen, nëse pas një periudhe 6 mujore vazhdojnë të shfaqin probleme me gjumin. Atëherë duhet t’i drejtohen një eksperti. Pagjumësia shkakton që nga probleme psikologjike si dëshpërim i thellë, ul nivelin e përqendrimit. Rrit mundësitë për obezitet. Nëse një adoleshent nuk ka gjumë natën, ai nuk duhet të luajë me celular, të lexojë, të pi kafe, të shohë televizor, pra të mos bëj aktivitetet e ditës, natën. Por të rrinë të qetë, te relaksuar, që gjumi të vijë vetvetiu. Ne rekomandojmë, që të lënë muret e shtëpisë, të bëjnë aktivitete sportive, ecje te vazhdueshme. Nuk sugjerojmë ilaçe, në asnjë mënyrë,“-tha ajo.
/Top Channel/