Nis seanca në Kuvend/ Ja masat e marra kundër virusit pas infektimit të tre deputetëve (FOTOT)

Pas infektimit të tre deputetëve, Kuvendi ka marrë masat përkatesë për të garantuar sigurinë në seancën e sotme.

Pas dezinfektimit të ambienteve të brendshme, në sallën plenare është krijuar distanca fizike mes deputetëve.

Ata nuk janë lejuar të ulen më afër se 1.5 metra.

Pjesa tjetër e tyre janë ulur në llozhat anësore dhe disa të tjerë janë te vendi i gazetarëve në katin e dytë.

Të gjithë deputetët në seancën e sotme janë të pajisur me maska. Përfaqësuesit e opozitës kërkuan tamponim për të gjithë ligjvënësit në përfundim të seancës. Një ditë më parë rezultuan me COVID-19 deputetët Ralf Gjoni dhe Enver Roshi nga opozita parlamentare0 dhe Eljo Hysko i PS-së.