Presidenti Ilir Meta ka bërë një deklaratë disi të pazakontë në lidhje me bandat në vend. Meta u bën thirrje të gjithë bandave, që të mos ofrojnë shërbime partive politike, pasi ak nisur monitorimi i tyre në të gjithë vendin.
Presidenti është pyetur nga gazetari Adi Krasta në lidhje meurdhër-arrestet e SPAK për “Dosjen 339”. Meta shprehet se kjo dosje duhet të ishte shteruar me kohë nga Prokuroria dhe SPAK, por ngadalësia e saj është e jashtëzakonshme.
“Kjo është një dosje që duhet të ishte shteruar me kohë, nga Prokuroria dhe SPAK, ka qenë kërkesë e Bundestagut, ngadalësia është e jashtëzakonshme. Kjo nuk është çështje komisionerësh dhe administratës zgjedhore, por kjo është një çështje e krimit të organizuar të përfshirë në përmbysjen e rezultateve kriminale. Priten rezultate në këtë drejtim dhe nëse nuk vijnë, do të hetohen këto dosje pas zgjedhjeve të ardhshme. I bëj thirrje të gjithë banditëve të mos ofrojnë shërbime për partitë politike, sepse ka nisur monitorimi i të gjithë bandave në të gjithë Shqipërinë. Dhe i bëj thirrje të gjithë drejtuesve të policisë së shtetit dhe institucioneve të sigurisë, të bëjnë detyrën e tyre, të mos u binden asnjë urdhri politik dhe të godasin të gjithë elementët kriminalë që tentojnë të ofrojnë shërbime elektorale”, u shpreh Meta.