“Më 26 nëntor dua shkollën” Rama urdhër kompanisë së ndërtimit: Punoni me 3-4 turne, nuk ka ç’më duhet

Kryeministri Edi Rama bashkë me ministrin e Rindërtimit Arben Ahmetaj kanë instpektuar punimet në shkollën “Llesh Nik Daka” në Lezhë.

Kjo godinë tashmë është ringritur pas shkatërrimit nga tërmeti i fuqishëm i 26 nëntorit që goditi vendin tonë.

Rama u treguar i prerë duke thënë se këto punime duhet të përfundojnë brenda datës 26 nëntor.

Nëse kjo nuk ndodh, sipas kryeministrit kompania duhet futur në “listën e zezë”.

Ai dha ultimatum para inxhinierëve dhe punëtorëve të ndërtimit që të punojnë dhe me 3-4 turne nëse do të jetë e nevojshme, që shkolla të përfundojë para afatit.

PJESE NGA BISEDA

Rama: Paska goxha terren.

Ahemtaj: Në gati 3 ditë kemi kaluar në katet e dyta.

Rama: Kolonat janë futur 7 metra nën dhe.

Ahmetaj: Po, 7 metra.

Rama: Super punë është bërë.

Inxhinieri: Në fund të dhjetorit do përfundojë shkolla.

Rama: Në fund të dhjetorit futeni në listën e zezë. Dua që në 26 nëntor të hapet dera e shkollës

Ahmetaj: Të punoni me 3 turne.

Rama: Me 3-4 turne, s’ka ç’më duhet. Në 26 nëntor dua shkollën. Po s’u bë kjo, ju futeni në listën e zezë. Na pengoi shumë ajo periudha e dreq karantinës, por do ta kapim 26 nëntorin.