LIGJET E BIZNESIT
Kryeministri Edi Rama është i bindur në fitoren e mandatit të tretë, në zgjedhjet e ardhshme parlamentare. Rama shprehet i bindur dhe thotë se nuk do të japë dorëheqjen si kryetar i PS-së.
“Unë nuk do i humbas zgjedhjet e ardhshme parlamentare dhe nuk do të jap dorëheqjen si kryetar i PS-së sepse do të jem i detyruar të vijoj punën. Nuk flas kurrë me nëse, se ka edhe një shprehje që flet për hallën dhe xhaxhanë edhe… kohë është shumë e shtrenjtë për t’u humbur me nëse“, tha Rama në Pa Protokoll.
Ku do t’i kaloni pushimet këtë vit?
“Pushimet si gjithmonë këtu në Shqipëri. Unë dhe ministrat që kur jam bërë kryeministër, nuk kemi të drejtë të shkojmë jashtë shtetit për pushime. E kam bërë sepse ne duhet të jemi në Shqipëri, kalojmë pushimet në Shqipëri sepse është minimumi etik i atyre që qeverisin një vend, është një vend që promovon turizmin, që është një vend i mrekullueshëm. Për mua si në Shqipëri pushimet zor ti kalosh në vende të tjera, edhe pse ka vende të tjera të mrekullueshme”, u shpreh kreu i qeverisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
