Vrasja e dyfishtë në Laç/ Jepet masa e sigurisë për dy mjekët

Gjykata e Kurbinit ka dhënë masën e sigurisë për dy mjekët, të cilët operuan Eduart Lamajn, një nga të dyshuarit për atentatin e 30 majit në Laç, ku mbetën të vrarë Bujar lika dhe biznesmeni Paulin Gjergji.

Dy mjekët operuan në fshehtësi dhe nuk njoftuan policinë, prandaj janë lënë në burg.

Pak më herët, mjeku Viktor Marku ka dëshmuar se e ka gjetur pacientin në narkozë dhe se ishte i detyruar të ndërhynte, pasi rrezikonte jetën.

“Isha i detyruar të ndërhyja menjëherë në operacion, pasi ai rrezikonte të humbiste jetën. Nëse më vdiste në duar mbaja përgjegjësi”, u shpreh Marku.

Ndërsa mjeku Besim Lame ka thënë se nuk është i specializuar për ndërhyrje, por i kërkuan ndihmë.

“Unë jam endokronolog. Nuk jam i specializuar për ndërhyrje. Më kërkuan ndihmë, ku ta çonin për operacion, u sugjerova klinikën private në Qytet Studenti”, ka deklaruar Lame.