TIA thirrje Gjykatës së Krujës: Profesionalizëm dhe jo bllokim të aktivitetit tregtar të aeroportit

Aeroporti Ndërkombëtar i Tiranës i bën thirrje Gjykatës së Rrethit Krujë për drejtësi dhe profesionalizëm. Kjo thirrje vjen pas bllokimit të aktiviteteve tregtare nga Gjykatësja Enkeleida Hoxha me katër masa sigurie, për operimin e kafeve dhe dyqaneve në aeroport, e gjitha në favor të A&A Group

Ndërkohë, TIA është shumë e shqetësuar për sistemine njëanshëm të drejtësisë, ku vendimet “jashtë juridiksonit dhe pa asnjë profesionalizëm” kanë dëmtuar ringritjen e dyqaneve dhe bareve në shërbim të pasagjerëve, duke dhënë masa sigurie të njëpasnjëshmë dhe të paligjshmë, në dëm të shërbimit public dhe të imazhit kombëtar të aeroportit “Nënë Tereza”.

Është rasti i vetëm në botë, ku vendimi i Zyrës Përmbaruese i dorëzohet TIA-s përpara vendimit të gjykatës, pa e njoftuar si fillim TIA-n, që nënkupton shpejtësinë dhe përshpejtimin e procedurave. Në një process normal dhe të rregullt, mund të marrë disa ditë.

Ndër të tjera, TIA shpreh keqardhjen për situatën e krijuar në aeroportin e vetëm në vend, ku interesat e një grupi të veçantë, më saktë të Administratorit të A&A Group, Zj. Aliona Zeqiri, shihen si objekti i vetëm për diskutim ligjor, ndërkohë që paligjshmëria zbatohet për TIA-n në çdo masë sigurie. Ky fakt i jep udhë uzurpimit të aeroportit me ndihmën e një gjykate, kur dihet që funksioni real i tij është shërbimi ndaj publikut.

Gjithashtu, TIA bën të ditur se ankesën e saj e ka përcjellë në Inspektoriatin e Lartë të Drejtësisë, kundrejt Gjykatëses Hoxha për moszbatim professional të autoritetit të ligjit dhe moskopetencë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Tirana International Airport Shpk dëshiron të sqarojë edhe në interes të publikut, se bazuar në Ligjin Nr.9312 datë 11.11.2004 “Për Ratifikimin e Marrëveshjes së Konçesionit ndërmjet Këshillit të Ministrave të Republikës së Shqipërisë dhe Shoqërisë Konçesionare, “TIA ka të drejtë ekskluzive të zhvillimit tregtar të aeroportit”. Ndaj, përzgjedhja e fituesve të tenderit për baret, restorantet dhe dyqanet, është në të drejtën zgjedhjes së lirë të TIA-s.

Tirana International Airport është gjithmonë e gatshme për të bashkëpunuar me organet e drejtësisë. Por nëpërmjet kësaj deklarate, TIA bën thirrje se klima e biznesit merr goditje të rëndë, sa herë kjo drejtësi shtrembërohet.