Ditën e sotme kryetari i Partisë Demokratike Lulzim Basha ka zhvilluar takime ne terren me përfaqësues të bizneseve të vogla në Tiranë.
Ai ka folur për sulmet që kyeministri Edi Rama u bën sipas tij bizneseve që denoncojnë mungesën e ndihmës nga qeveria.
“Shikoni si e shpenzon kohën, duke gjurmuar si një hajdut i vogël, si një spiun i vogël dhe për t’u rënë nga mbarpa bizneseve, për t’i intimiduar, për t’i frikësuar, sepse thonë të vërtetën. Këto nuk janë sjelljet e një kryeministri të përgjegjshëm, këto nuk janë sjelljet e një burri shteti.
Këto janë sjellje të një regjimi në ikje, të një njeriu të obsesuar pas pushtetit dhe pas pasurisë së tij personale, të një shërbëtori të mjerë të 5 oligarkëve, me të cilët punon dhe për të cilët ka vënë të punojë të gjithë Shqipërinë”, u shpreh Basha.
Lideri demokrat shtoi se makthi i bizneseve do të marrë fund, pasi ai dhe opozita kanë një pla që ky sektor i rëndësishëm të rimëkëmbet.
“Shqipëria nuk do të jetë më e 5 oligarkëve, por e të gjithë shqiptarëve. Paratë e buxhetit do të shkojnë për të mbështetur biznesin e vogël jo thjesht me një mbështetje të fuqishme, me një paketë fiskale si ajo që kemi propozuar me 0.5 % të xhiros vjetore, e vetmja taksë, asnjë taksë tjetër lokale e qendrore.
Mbi të gjitha, duke i çliruar nga makthi i tatimorëve, duke i futur tatimorët në garnizon, përmes një moratoriumi në vitin tonë të parë të qeverisjes dhe, pas kësaj, asnjë kontakt fizik midis inspektorëve të shtetit dhe biznesit të vogël apo biznesit në tërësi“, u shpreh Basha.