LIGJET E BIZNESIT
Një tjetër pacient me koronavirus në Shqipëri ka ndërruar jetë mëngjesin e sotëm.
Ai ishte i shtruar në spitalin Infektiv, ndërkohë që nuk dihet ende mosha e tij.
Viktima vuante nga ceroza në mëlçi si dhe sëmundje të tjera bashkëshoqëruese.
Më herët ai kishte qenë i shtruar në repartin e sëmundjeve të brendshme në QSUT, që është shndërruar së fundmi në vatër të përhapjes së COVID19, me shumë mjekë, infermierë si dhe pacientë të infektuar.
Ndërkohë pritet njoftimi zyrtar i Ministrisë së Shëndetësisë.
Deri më tani numri i viktimave nga koronavirusi në Shqipëri shkon në 35 persona.
Një ditë më parë, në orët e mbrëmjes ka ndërruar jetë një tjetër pacient në Infektiv, Ai ishte mbartës i sëmundjes por pa simptoma.
”Një pacient 88 vjeçar nga Tirana ka ndërruar jetë sot në spitalin Infektiv. Referuar shërbimit infektiv, shkaku i humbjes së jetës ishte si pasojë e arrestit kardiak nga insuficienca kardio-respiratore. I moshuari ishte bartës i COVID19, por asimtomatik për sëmundjen. 88 vjeçari vuante nga insuficienca renale kronike, stadi i katërt, diabet, hipertension, anemi grave”, thuhej në njoftimin e djeshëm të MSH.
