Viti që lamë pas u karakterizua nga dy zhvillime, që kushtëzuan performancën e bashkive: zgjedhjet vendore të qershorit dhe tërmetet e shtatorit dhe 26 nëntorit. Coplan dhe Ministria e Financave kanë publikuar raportin e financave vendore për vitin 2019.
Të dhënat e portalit www.financavevendore.al tregojnë se fatkeqësitë natyrore që ndikuan në ngadalësimin e ekonomisë në vend u reflektuan në më pak të ardhura për buxhetin e bashkive, duke prekur direct burimet nga të ardhurat e veta vendore, si taksa mbi verimtarinë e shërbimit hotelier, taksa e pronës, tarifat vendore etj.
Raporti nxjerr në pah gjithashtu, se buxheti i pushteti vendor është i varur thuajse tërësisht nga dy taksa të vetme: ajo e ndikimit në infrastrukturë dhe taksa e pronës. E para, e lidhur me lejet e ndërtimit dhe e dyta, nga pagesa që bëjnë qytetarët për banesat e tyre dhe bizneset për ambientet ku ushtrojnë aktivitet. Të dhënat e detajuara tregojnë se 85.5% e totalit të të ardhurave të bashkive vinin pikërisht nga këto dy taksa.
Në total, të ardhurat e pushtetit vendor në 2019 shënuan një rritje vjetore prej 5.5%, por është thuajse e pamundur që të përcaktohet nëse kjo rritje ka ardhur nga rritja e taksave apo nga mirëadministrimi.
Raporti i financave vendore evidenton gjithashtu, se bashkitë vazhdojnë të kenë borxhe të konsiderueshme, që vlerësohen në 9.4 miliardë lekë, me rritje 1.4 miliardë kundrejt vitit 2018. Të dhënat tregojnë edhe për rritje të nivelit të shpenzimeve nga pushteti vendor. Por të detajuara, për cdo 100 lek të shpenzuar nga bashkitë, 72 shkojnë oër mbulimin e shpenzimeve korrente, që nënkupton paga dghe shpeznimev të tjera operative dhe vetëm 29 lekë përdoeet për invetsime. Një raport që flet qartë për nivelin e ulët të eficencës në përdorimin e parave të takspaguesve shqiptarë nga pushteti vendor.