Rama bën njoftimin e rëndësishëm: Ja si do veprojmë me personat që kanë marrë gjobë në Greqi për kalim afati…

Kryeministri Edi Rama ka bërë një njoftim të rëndësishëm për të gjithë qytetarët që kanë marrë gjobë nga autoritetet greke, për shkeljen e afatit të qendrimit gjatë kohës së pandemisë së COVID-19. Rama u shpreh se të gjithë do të rimbursohen.

Kryeministri ka vendosur në dispozicion edhe linkun ku të gjithë qytetarët mund të bëjnë aplikimin.

Postimi i Ramës:

Të gjithë qytetarët që disponojnë dokumentin e pagesës së gjobës së autoriteteve greke për shkak të kalimit të afatit të qëndrimit në Greqi, janë të lutur të aplikojnë për rimbursimin.

Si rezultat i mirëkuptimit të qeverisë greke dhe angazhimit personal të kryeministrit Mitzotakis, shqiptarët me leje të përkohshme qëndrimi nuk u penalizuan masivisht për shkeljen e pavullnetshme të afateve. Por sidoqoftë është verifikuar një numër i kufizuar rastesh kur janë vendosur gjoba dhe siç jam zotuar ato do të rimbursohen nga shteti shqiptar.Ne themi atë që bëjmë dhe bëjmë atë që themi.