LIGJET E BIZNESIT
“Të paktën 4 vepra penale të kryera nga policia në rastin e familjes së Zaida Çobos”, kështu është shprehur ish-ministri i drejtësisë Ylli Manjani.
“Në raport me familjen e zonjës, janë disa vepra penale. Janë të paktën 4 vepra penale, që lidhen me abuzimin me detyrën nga ana e Policisë së Shtetit, vepra që prekin dinjitetin dhe lirinë e të drejtave të njeriut dhe privacinë dhe vepra penale që lidhen me dinjitetin e njeriut. Është fyerje e pastër, e rëndë”, tha Manjani.
Referuar videos së publikuar nga kreu i Policisë së Shtetit Ardi Veliu, ku Zaida Çobo shfaqej me një pistoletë në dorë, Manjani tha: “Ja ta zënë se ishte ashtu siç e mendoi drejtori, atë zonjën që ishte me armë. E ça pastaj. Kjo duhej të justifikonte rrahjen e çunit në mes të rrugës? Po Kryeministri ka dalë pa brekë, ca duhet të bëjë? Duhet të rrahë policia fëmijët? Nuk funksionon kështu, Drejtori i Policisë nuk është drejtori i moralit”.
Gjatë një interviste në emisionin “Opinion”, Zaida Çobo dhe avokati i saj u shprehën se do t’i drejtohen gjykatës, me një padi mbi Ardi Veliun./Opinion.al/
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
