LIGJET E BIZNESIT
Policia e Korçës po procedon në gjendje të lirë shtetasin K.K., 33 vjeç. Ai e kishte kthyer lokalin në aktivitet për lojra fati.
Mësohet se Policia ka gjetur në cilësinë e provës materiale një tavolinë pokeri, 31 fisha dhe letra bixhozi, që dyshohet se janë përdorur për të ushtruar aktivitetin e paligjshëm të lojrave të fatit.
33-vjeçari akuzohet për veprat “Organizimi ose ushtrimi i veprimtarive të lojërave të fatit në kundërshtim me ligjin” dhe “Vënia në dispozicion e lokaleve.
Me këtë çështje po merret Prokuroria e Korçës.
Njoftimi i policisë:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Specialistët për hetimin e krimeve në Komisariatin e Policisë Korçë, filluan procedimin penal në gjendje të lirë ndaj shtetasit K. K., 33 vjeç, banues në Korçë.
Procedimi ndaj tij filloi pasi, gjatë kontrollit që shërbimet e policisë kanë ushtruar në lokalin në përdorim të tij, në lagjen nr. 11, iu gjetën dhe sekuestruan në cilësinë e provës materiale një tavolinë pokeri, 31 copë fisha dhe letra bixhozi, të cilat dyshohet se përdoreshin për të ushtruar aktivitetin e paligjshëm të lojrave të fatit.
Materialet i kaluan Prokurorisë pranë Gjykatës së Shkallës së Parë Korçë për veprat “Organizimi ose ushtrimi i veprimtarive të lojërave të fatit në kundërshtim me ligjin” dhe “Vënia në dispozicion e lokaleve.
