Pipero hedh poshtë parashikimin e tij: Ky virus është i paparashikueshëm

Mjeku infeksionist Pëllumb Pipero u shpreh se pas datës 18 maj  do kishte shumë pak raste dhe fundi i qershorit do të ishte dhe fundi i virusit.

Por kjo deklaratë e Piperos nuk ka dalë e saktë, madje ka rezultuar e kundërta.

I ftuar në studion e Ora Neës, Pipero shtoi se ky është një virus tekanjoz dhe nuk parashikohet.

Reagimi i mjekut:

Unë mbas datës 18 maj mendova që nuk do të dal më në televizor, mendova se nuk do të ketë më arsye për të dalë, së bashku me kolegët e mi. Unë e kam deklaruar që fundi i majit  do të ketë rastet e fundit dhe qershori do të ketë raste sporadike dhe do të mbyllet në fund të qershorit, por kam thënë se do të jetë e vështirë për të bërë parashikime.

Ky është një virus tekanjoz dhe me shumë të panjohura, mesa duket ka funksionuar edhe në rastin tonë, kryesisht në vendet Ballkanike, duke pasur raste të shtuara. Kjo është një situatë që duhet analizuar. Mendoj që është e domosdoshme që të kemi kujdes për distancën fizike, maskën dhe dorezat për duart.