LIGJET E BIZNESIT
Mbaroi mbledhja e Këshillit Politik, e cila zgjati 2 orë dhe mazhoranca e opozita vazhdojnë të mos bien dakord sa i përket procesit të zgjedhjes së anëtarëve të KQZ-SË.
Pas përfundimit të mbledhjes, përfaqësuesi i Partisë Demokratike Oerd Bylykbashi u shpreh se mazhoranca nuk e ka pranuar as propozimin e ri të opozitës.
Reagimi i Oerd Bylykbashit:
Sot në këshill diskutuam propozimin e dytë të opozitës lidhur me KQZ. Sot për të treguar konstruktivitet me qëllim që marrëveshja të zbatohet duke siguruar të gjitha garancitë e procesit për të zgjedhur anëtarët e KQZ, dhe garancitë që KQZ në nxjerrjen e akteve nuk do të jetë mazhorancë bulldozer. Ne i kërkuam mazhorancës që të heqë dorë nga këmbëngulja që të çojë në një proces që nuk të jep asnjë garanci. Mazhoranca nuk e pranoi as këtë propozim.
Pasi ranë dakord për Reformën Zgjedhore, palët politike nuk po bien dakord në lidhje më formulën e zgjedhjeve të anëtarëve të Komisionit Qendror Zgjedhor.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Opozita ka bërë sot një propozim të ri për zgjedhjen e anëtarëve të Komisionit Qendror të Zgjedhjeve, duke hequr dorë nga procedura e përzgjedhjes së anëtarëve të KQZ nga avokati i popullit dhe e rikthejnë në Kuvend. Sipas formulës së opozitës, 12 anëtarët e rinj të KQZ të zgjidhen nga Kuvendi.
Ndërkaq, Bylykbashi tha se mazhoranca nuk bie dakord as me këtë propozim.
