LIGJET E BIZNESIT
Përfaqësuesi i PS-së në tryezën e Këshillit Politik, Damian Gjiknuri foli pas përfundimit të mbledhjes dhe u shpreh se bisedimet dhe puna nisën për të hartuar një Reformë Zgjedhore, por u kthye në marrëveshje për të future opozitën në zgjedhje.
Ndër të tjera, Gjiknuri tregoi se opozita është tërhequr nga propozimi për krijimin e një KQZ-je të re, sipas formulës së përcaktuar në draft.
Deklarata e Gjiknurit:
Partia Demokratike ka kërkuar vetëm një marrëveshje zgjedhore, për të marrë garanci për identifikimin elektronik të zgjedhësve. Mbase do ishte më e ndershme të mbajmë KQZ që kemi se po e bëmë prap politike KQZ më mirë mbajmë këtë që kemi.
Mendoj se duhet të ketë një reflektim nga ana e tyre. Ne jemi dakord për kompromis por benda cështjeve që kemi rënë dakord. Ata kërkojnë mandate 4 vjeçare të komisionerëve dhe nënkomisionerëve sic është KQZ-ja aktuale. Po ashtu është më mirë të themi që të mbajmë KQZ që kemi.
Nuk e kam problem ta them se kjo u nis për Reformë Zgjedhore por u kthye në marrëveshje për tu futur opozita në zgjedhje.
Formula e KQZ ka qenë e parashikuar për mandatet që ne kishim parashikuar, por nëse PD është tërhequr unë e them sinqerisht që nuk ëhstë asnjë lloj problem.
Më tej, anëtari i PS në Këshillin Politik foli dhe për kërkesat e opozitës paralamentare.
“Ne do të respektojmë marrëveshjen që kemi me PD. Ne nuk mund ta kalojmë marrëveshjen vetëm se nuk i kemi votat. Tani politika është tripolare dhe duhet të flasim dhe me opozitën parlamentare”, përmbylli ai.
