“Për ty daja”, nipi i Hekuran Billës paralajmëron hakmarrje

Pak ditë më parë mbeti i vrarë 40-vjeçari Hekuran Billa, pas një atentati mafioz te Komuna e Parisit.

Pista kryesore e hetimit ishte vrasja për hakmarrje dhe deri më tani janë arrestuar dy persona, Viktor Marku, vëllai i Prel Markut që Hekuran Billa vrau në vitin 2006 në Angli dhe Sebastiano Mali, nip i Prel dhe Viktor Markut.

Ndërkohë ende pa përfunduar hetimi dhe pa u vërtetuar nga organi i akuzës, familjarët e 40-vjeçarit po mendojnë për hakmarrje. Nipi i Billës ka shpërndarë në rrjetin social Snapchat fotot e dajës dhe shkruan që do të hakmerret për të.

“Revenge for you daja”, që në shqip do të thotë “hakmarrje për ty daja”.

fotoja është dërguar në redaksinë e JOQ, nga një person që e ndjek në rrjetin social nipin e viktimës. Ndër të tjera, ai tregon se personi në fjalë shpërndan shumë foto të dajës dhe premton hakmarrje.

“Pershendetje JOQ! Personi qe e ka postuar kete foton eshte nipi i Hekuran Billes. Ka postuar dhe shume foto te tjera qe thote hakmarrje per dajen”, thuhet në mesazh.