Bashkia e Skraparit hapi një tender në nder të mjekut Pëllumb Pipero.
Pasi lajmi u publikua dhe u bë viral ka reaguar Pipero përmes një statusi në rrjetet sociale.
Pipero shkruan se ndihet mirënjohës dhe i nderuar për titullin, por në lidhje me ceremoninë e drekës, ai kërkon që shuma e parave të shkojë në ndihmë familjeve në nevojë.
Statusi i plotë i Doktor Pllumb Piperos:
Sapo dola nga studio televizive e EuroNeës Albania, ku gazetarja dhe patriotja ime Ilva Tare, me pyeti midis te tjerave edhe se “si po e përjeton famën”, natyrshëm “fama” ime i përket çdo bluze te bardhe, i thashë por paska edhe “ca kusure”.
Këshilli Bashkiak i Skraparit më ka akorduar Titullin “Qytetar Nderi” që është nderi me i madh që mund të më bëjë vendlindja ime dhe për të cilin do t’i jem gjithë jetën mirënjohës, qytetarëve, Këshillit Bashkiak dhe Kryetarit të Bashkisë së Skraparit. Dhe “kusuri” është lajmi që po lexoj në të gjitha portalet se Bashkia ka vendosur të organizojë dhe një drekë në ceremoninë që do të organizohet me këtë rast!
Do ta konsideroja një nder po aq të madh, që në respekt të situatës dreka të anulohet dhe ajo shumë sado modeste qoftë të orientohet për nevoja të tjera të Bashkisë dhe qytetarëve të Skraparit, ndoshta në ndihmë të familjeve në nevojë!
Duke ju falenderuar edhe një herë, ju premtoj se do punoj gjithë jetën time me përkushtim profesional e përgjegjësi qytetare, për ta merituar Titullin e Qytetarit të Nderit të Vendlindjes time!
