PD në mbrojtje të Metës: Rama tentoi të kapë Gykatën Kushtetuese

Partia Demokratike ka reaguar pas vendimit final të Komisionit të Venecias, që i jep të drejtë presidentit Ilir Meta për emërimet në Drejtësi.

Sekretari i Përgjithshëm i PD-së, Gazment Bardhi, nëpërmjet një postimi në Facebook ka përshëndetur vendimin e Venecias dhe shprehet se Edi Rama tentoi të kapë edhe Gjykatën Kushtetuese.

Bardhi tha se Komisioni i Venecias konfirmoi qartë se ka zero shkelje të Kushtetutës nga President ii Republikës, në betejën kundër kapjes së Gjykatës Kushtetuese.

Reagimi i plotë i Bardhit:

Përshëndes vendimin e Komisionit të Venecias që vulosi sot se regjimi në ikje i Edi Ramës tentoi të kapë edhe Gjykatën Kushtetuese. Komisioni i Venecias konfirmoi qartë se ka zero shkelje të Kushtetutës nga Presidenti i Republikës në betejën legjitime kundër kapjes së Gjykatës Kushtetuese. Kjo është një tjetër provë sesi Edi Rama ka vetëm një strategji me drejtësinë: ose ta kapë, ose ta bllokojë. Bërja sa më parë funksionale e Gjykatës Kushtetuese është jo vetëm e rëndësishme për demokracinë në Shqipëri, por edhe 1 nga 15 kushtet për fillimin e negociatave me BE.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern