Pandemia/ Humb jetën 52-vjeçari, rëndohet bilanci në Kosovë

Ministria e Shëndetësisë ka bërë me dije se ka humbur jetën një pacient 52-vjeçar nga Istogu, si pasojë e infektimit me koronavirus.

“Nga Njësia Intensive e Mjekimit në Qendrën e Mjekësisë Sportive në QKUK është bërë e ditur se sot, me datë 25.06.2020 në orët e pasdites ka vdekur pacienti me inicialet Sh.Sh, viti i lindjes 1968 nga komuna e Istogut. I njëjti ishte pranuar në Njësinë Intensive në Qendrën e Mjekësisë Sportive. (NjIQMS) me datë 23.06.2020, si transfer nga Klinika Infektive, i konfirmuar me strisho pozitive për COVID-19”, thuhet në njoftimin e ministrisë.

52-vjeçari është viktima e 41-të në Kosovë si pasojë e COVID-19, shumica prej tyre kanë pasur edhe sëmundje bashkëshoqëruese.