LIGJET E BIZNESIT
Operacioni Forca e Ligjit ditën e sotme ka zbrakuar në qytetet e Krujë sdhe Laçit.
Sipas njoftimit të shpërndarë për mediet, letra për deklarimin e pasurisë iu ka shkruar tre shtetasve në këto qytete.
Ata njihen si persona me rekorde kriminale brenda e jashtë vendit dhe në harkun kohor të 48 orëve do duhet të justifikojnë pasuritë e tyre.
Njoftimi i plotë i policisë së shtetit:
Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
– G. Ç., banues në Kurbin, i dënuar për veprën penale “Shfrytëzim prostitucioni”;
– A. P., banues në Lezhë, i dënuar për veprën penale “Trafikim i lëndëve narkotike”;
– P. M., banues në Lezhë, i dënuar për veprën penale “Vrasja në rrethana cilësuese”;
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.
