“Numrat do rriten, duhet të përgatitemi” Eksperti i OBSH paralajmëron: Koronavirusi ende në qarkullim

Në kohën që pandemia e COVID19 ka pushtuar botën tashmë prej 6 muajsh, një paralajmërim i fortë vjen nga një ekspert i OBSH.

Ëalter Ricciardi, konsulent në Ministrinë e Shëndetësisë në Itali dhe përfaqësues italian në Këshillin e OBSH, thekson se na duhet të përgatitemi që numrat në vijim të të prekurve do të rriten.

Sipas tij ky është vetëm fillimi i një faze të re të epidemisë.

“Pas lehtësimit të masave të izolimit dhe bllokimit, mund të ketë me qindra vatra të vogla  infeksioni, por thelbësore është që të diagnostikohen shpejt. Të gjithë shpresojmë që, me masat e vendosura dhe sjelljet e duhura nga njerëzit, kjo situatë mund të mos krijohet, por normalisht në periudhën vjeshtë-dimër, dihet që viruset e frymëmarrjes rikthehen, si psh gripi, para-gripi, pneumonia dhe ndoshta edhe koronavirusi. Ne duhet të përgatitemi që numrat do të rriten”, tha Ricciardi.

Ai gjithashtu shtoi: Koronavirusi është ende duke qarkulluar dhe do të jetë shumë e rëndësishme të jemi në gjendje të izolojmë shpërthimet në mënyrë që të shmanget përhapja e tyre. Dhe mënyra më e mirë për ta bërë këtë janë masat e distancimit fizik e social, maskat dhe testimi në shkallë të gjerë.