LIGJET E BIZNESIT
Duket se nuk ka qetësi për Kadastrën e Vlorës.
Vetëm dy javë pas emërimit, ka dhënë dorëheqjen drejtori Jorgen Pilkati.
Ky i fundit u ëmerua më 2 qershor në detyrë, ndërkohë nuk dihen arsyet se përse ka marrë këtë vendim.
Pilkati zëvendësoi Viola Himën, e cila qëndroi aty vetëm 4 ditë.
Por edhe pse qëndroi më gjatë se Hima, ai nuk ka firmosur asnjë dokument në krye të Kadastrës.
Kujtojmë se problemet në këtë institucion duket se nuk po marrin fund.
Para Pilkatit 9 drejtorë të tjerë kanë dhënë dorëheqjen dhe dyshohet se shkak për këtë është bërë konflikti i pronave.
LISTA E DREJTOREVE TE LARGUAR
Në 6 vitet e fundit Hipoteka e Vlorës është drejtuar nga: Viola Hima (4 ditë në detyrë), Bilbil Aliaj ( 4shkurt -22 maj 2020), Taulant Canameti (nëntor 2019-shkurt 2020), Elona Hodaj (shtator 2019-tetor 2019), Alteo Nazëraj (shtator 2019-shtator 2019), Florian Almadhi (maj 2019-shtator 2019), Klodian Troci (korrik 2018–shtator 2019), Sokol Banaj (janar 2018–korrik 2018) dhe Rezart Elmazi (tetor 2015-korrik 2017).
