Pas izolimit tre mujor nga pandemia e COVID19. Ministrat e brendshëm të bllokut europian kanë marrë një vendim të rëndësishëm.
Kështu, mësohet se kufinjtë e jashtëm të Bashkimit Europian do të hapen duke filluar nga 1 korriku.
Kanë qenë dy kryeministra, ai italian Giuseppe Conte dhe spanjolli Pedro Sancher të cilët kërkuan që hapja të jetë e kordinuar dhe jo diskriminuese.
Sipas mediave fqinje, turistet gjermanë, francezë dhe zviceranë janë gati të vizitojnë Italinë që prej datës 15 qershor.
Në një letër të përbashkët drejtuar KE-së, Italia dhe Spanja theksojnë se është “ momenti të riaktivizojmë ekonomitë tona, të rikuperojmë normalitetin e bashkë me të, dhe një element thelbësor të projektit europian siç është liria e lëvizjes në zonën Schengen”, shkruajnë ata.
Mbi këtë ka folur edhe ministri i Jashtëm italian, Luigi Di Maio, i cili e përshkroi 15 qershorin si “ ditën D për turizmin evropian”.
“Po punojmë me secilin vend, jo për t’i treguar sesa e bukur është Italia, sepse këtë e dinë të gjithë, por për t’i bërë të kuptojnë që mund të vijnë këtu me siguri të plotë”, u shpreh ai.
Me gati 33.800 vdekje dhe 234,000 infektime, Italia është kthyer në njërin prej shteteve më të prekura nga Covid-19, ndaj dhe ka ngurrim nga vendet e tjera për të liruar lëvizjen me të.
