Mbi 1 milionë të prekur, dhe 50 mijë viktima, ky është vendi që po goditet më fortë nga pandemia

Koronavirusi në pjesën më të madhe të botës duket sikur e ka humbur forcën dhe tashmë karantina është një etapë e kaluar për Europën, Azinë dhe SHBA-të.

Por është një vend që nuk po del dot nga laku i këtij virusi.

Bëhet fjalë për Brazilin, që vetëm në 24 orët e fundit ka regjistruar 1,206 vdekje dhe 54,771 raste të konfirmuara të koronavirusit.

Ministria e Shëndetësisë e Brazilit kanë njoftuar gjithashtu se totali i infeksioneve në vend ka tejkaluar shifrën 1 milion, ndërsa ata që e kanë humbur jetën janë mbi 50 mijë.

Sakaq, i vetmi lajm i mirë është se është rritur edhe numri i të shëruarve, ndërsa shkalla e vdekshmërisë u ul në 4.7% krahasuar me 4.9% që ishte dje.