Maqedonia futet në ‘zonën e kuqe’, 177 të prekur vetëm në 24 orë nga COVID-19

Maqedonia e Veriut është duke u përballur me një valë të dytë të koronavirusit.

Pas lajmit për futjen në karantinë të më shumë se 70 komnuave, ministria maqedonase e shëndetësisë ka bërë të ditur shifrat e ditës së sotme.

Janë 177 persona të zbuluar si të prekur nga virusi vetëm në 24 orët e fundit.

Por gjithashtu bilanci është negativ edhe sa i përket viktimave, pasi në 24 orët e fundit u ndanë nga jeta dy persona që ishin prekur nga COVID-19.