Lleshaj befason nga Shkodra: Ka eksponentë të krimit që janë të lirë dhe qarkullojnë në qytete

Ministri i Brendshëm, Sandër Lleshaj ka folur për çështjen e kriminalitetit në vend.

Leshaj duke folur për luftën ndaj krimit bëri edhe një deklaratë të bujshme, duke thënë se ka disa eksponentë të krimit janë të lirë dhe veprojnë në disa qytete, por policia do t’i godasë sapo të kalojnë vijen e ligjit.

“Shkodra është një qark që ka trashëguar gjendje jo pozitive sa i përket rendit e sigurisë publike, mbetet shumë për të bërë, fatkeqësisht konstatoj falë edhe disa vendimeve të pakuptueshme që s’kam tagër ti gjykoj, por kam të dretjëtë mos i kuptoj, kanë bërë që ende në qytet të jenë në qarkullim të lirë, qarkullim, se jo fort të lirë ndoshta, eksponentë krimi të cilët meritojnë vëmendjen e policisë.

Vëmendje të pashuar e të pandalshme të policisë që të mos cënohet asnjë parametër i sigurisë publike në këtë qytet që përvec të tjerash të paktën për mua përbën një lloj përkufzim të vecantë.

Por nuk e them vetëm për arsyen time personale, ku përfshihet ndër të tjera lufta kundër krimit të organizuar që në Shkodër është i identifikuar dhe për të cilin policia është mjaft e informuar për tu mbajtur në kontroll e për tu goditur në cdo cast që tenton të kalojë vijën e ligjit.

E dyta përpjekja për të kontrolluar vijën kufitare, flukset e paligjshme migratore, të cilat besoj jeni informuar që para disa ditësh pësuan një goditje të madhe për fat të keq brenda radhëve të policisë që u godit një rrjet trafikimi që kishte lidhje edhe brenda policisë së shtetit e që është goditur nga vetë policia e shtetit, mbetet iobjektivi për të kontriolluar që është mjaft i përhapur në vend duhet kontrolluar se me të lidhen shumë veprimtari të tjera kriminale nga migracioni”, tha Lleshaj.