LIGJET E BIZNESIT
Edhe pse mazhoranca dhe opozita vijojnë të mos gjejnë gjuhën e përbashkët, duket se herë pas here ndonjë gjë e re del në horizont.
Bëhet fjalë për kryetarin e Kuvendit Gramoz Ruçi, i cili ditën e sotme ka bërë një lëvizje të papritur.
Me anë të një letre, numri një i parlamentit i ka kërkuar presidentit Ilir Meta të propozojë ai kandidaturën për kreun e Kontrollit të Lartë të Shtetit.
“Presim propozimin tuaj për kreun e KLSH. Kemi muaj që presim emrin për kreun e KLSH. Presidenti duhet të respektojë afatet sipas Kushtetutës”,- thuhet në letrën e tij.
Ende nuk dihet se si do reagojë Kreu i Shtetit por kujtojmë se deri më tani presidenti dhe mazhoranca nuk kanë rënë dakord për kreun e njërit prej institucioneve më të rëndësishme në Shqipëri, atë të Kontrollit të Lartë të Shtetit.
