Presidenti Meta ishte shumë i qartë, kur tha se kreu i ri i KLSH do të zgjidhet në mënyrë kushtetuese.
Ai paralajmëroi se nuk do të pranojë asnjë lloj presioni publik e politik në lidhje me këtë çështje, pasi bëhet fjalë për një nga institucionet më të rëndësishme të vendit.
Në këtë kontekst Meta solli edhe shembullin e ligjit për eurobondin, që sipas tij u fut në fuqi vetëm pas Kuvendi reflektoi.
“Kreu i KLSH do zgjidhet në mënyrë Kushtetuese, s’do lejoj presion publik. Kuvendi duhet ti kushtojnë vëmendje pagesave të institucione, financimin e terrorizmit dhe pastrimit të parave. Së dyti me kënaqësi shpalla ligjin për sigurimet shoqërore. Këtë javë patëm një komunikim me Kuvendin për Eurobond të ri. Shuma që parashikohet të emetohet më detyruan të mos jepja menjëherë pëlqimin.
Reflektimi i Kuvendit për shqetësimit e rritur, bën që ky akt do të hyjë menjëherë në fuqi. Në datën 26 maj jam njohur edhe me letrën e Ruçit, për kreun e KLSH-së. Nuk do të lejoj të bëhet një shantazh apo presion politik”, tha Meta.