Keni prenotuar pushimet para pandemisë? Ministri Klosi tregon rrugën: Ja si do veprohet

Ditën e sotme ministri i Turizmit Blendi Klosi ka shpjeguar procedurën dhe se si do funksionojë për të gjithë personat që kanë prenotuar pushimet para periudhës së pandemisë dhe gjendjes së fatkeqësisë natyrore.

Me anë të një reagimi në rrjetet sociale, ai ka theksuar se prenotimet duhet të përmbushen nga agjencitë, apo operatorët turistikë brenda një viti nga dita e shpalljes së gjendjes së fatkeqësisë natyrore.

Miratuam në Këshillin e Ministrave aktin normativ sipas të cilit pushimet e prenotuara përpara gjendjes së fatkeqësisë natyrore, duhet të përmbushen nga agjencitë, apo operatorët turistikë brenda një viti nga dita e shpalljes së gjendjes së fatkeqësisë natyrore’, shkruan Klosi.

Pra, operatorët   turistikë   apo/ose   agjencitë   e udhëtimit,    brenda    30  ditësh   nga komunikimi,  të  rimbursojnë  dokumentin  e udhëtimit  dhe/ose  paketën  e  udhëtimit  nëpërmjet  lëshimit  të  një  kuponi,  që korrespondon me  të  njëjtën  vlerë/shumë  totale  që   duhet   të kthehet,   duke   i   ofruar   klientit   mundësinë   e  përdorimit të kuponit për të njëjtin shërbim ose një të  ngjashëm,  që  i  përket  kontratës  së  ndërprerë,  e cila do të përdoret brenda 1 viti.

Në  rast  se  nuk  realizohet  shërbimi,  sipas parashikimeve  të mësipërme,  operatorët  turistikë  apo/ose  agjencitë  e  udhëtimit  t’i  rimbursojnë klientit vlerën/shumë totale të paguar.

Operatorët    turistikë    apo/ose    agjencitë    e udhëtimit, të cilët nuk e zbatojnë këtë akt normativ, përveç  përmbushjes   së   detyrimeve  kontraktuale ndaj  klientit,  dënohen  me  gjobë,  për  çdo  kontratë  të   parealizuar.” , thekson ministri Klosi në mesazhin e tij.