“Jemi si kokrra e mollës”, Regjisori Budina hedh poshtë deklaratën e Ramës

Ditën e sotme u bë publik lajmi se vëllezërit Budina ishin prekur nga koronavirus.

Budina reagoi përmes një postimi në rrjete sociale, ku ka treguar se ai bashkë me familjen janë si “kokrra e mollës”, me temperaturë 36,3. Më parë, Budina tregoi se testin e ka bërë pas këmbënguljes së shefes së ISHP-së, Silva Bino.

Ndërkohë, lajmin për infektimin e vëllezërve Budina e dha kryeministri Edi Rama.

Reagimi i Budinës:

Falenderoj të gjithë miqtë dhe shokët për interesimin për gjendjen tonë shëndetësore. Jemi si kokrra e mollës me temperaturë 36,3 të tre. Meqënëse insistuan të na bëjnë testin shpresoj të vijnë t’i bëjnë testin fëmijve me të njëjtin insistim. Nesër do kemi lajme edhe për vërtetësinë e testit të sotshëm.